ನೀರಲ್ಲಿ ಸಣ್ಣ ಅಲೆಯೊಂದು ಮೂಡಿ ಚೂರಾದ ಚಂದ್ರನೀಗ (Neeralli Sanna Aleyondu Moodi)

ನೀರಲ್ಲಿ ಸಣ್ಣ ಅಲೆಯೊಂದು ಮೂಡಿ ಚೂರಾದ ಚಂದ್ರನೀಗ 

ಇಲ್ಲೊಂದು ಚೂರು ಅಲ್ಲೊಂದು ಚೂರು ಒಂದಾಗ ಬೇಕು ಈಗ 

ತುಸು ದೂರ ಸುಮ್ಮನೆ  ಜೊತೆಯಲಿ ಬಂದೆಯಾ 

ನಡುವೆಲ್ಲೋ ಮೆಲ್ಲಗೆ ಮಾಯವಾದೆಯೋ ||೨|| 

ನೀರಲ್ಲಿ ಸಣ್ಣ ಅಲೆಯೊಂದು ಮೂಡಿ ಚೂರಾದ ಚಂದ್ರನೀಗ 

ಇಲ್ಲೊಂದು ಚೂರು ಅಲ್ಲೊಂದು ಚೂರು ಒಂದಾಗ ಬೇಕು ಈಗ 

ಇದ್ದಲ್ಲೇ ಆಲಿಸ ಬಲ್ಲೆ ನಿನ್ನೆಲ್ಲ ಪಿಸುಮಾತು 

ನನ್ನಲ್ಲಿ ನೀನಿರುವಾಗ ಇನ್ನೇಕೆ ರುಜುವಾತು 

ನೆನಪಿನಲ್ಲೇ ನೀನೀಗ ಎಂದಿಗಿಂತ ಸನಿಹ 

ಆಲಿಸಲಾರೆ ನಾನೀಗ ಮನದ ಗೋಡೆ ಬರಹ 

ಸಹಿಯಾದ ಮೇಲೆ ಸಹ ಗೀತೆಯೊಂದು ಮರೆಯಾಯಿತೆಕೆ ನೋಡು 

ಇಲ್ಲೊಂದು ಸಾಲು ಅಲ್ಲೊಂದು ಸಾಲು ಬೆರೆತಾಗಲೇನೆ  ಹಾಡು

 ನೀರಲ್ಲಿ ಸಣ್ಣ ಅಲೆಯೊಂದು ಮೂಡಿ ಚೂರಾದ ಚಂದ್ರನೀಗ 

ಇಲ್ಲೊಂದು ಚೂರು ಅಲ್ಲೊಂದು ಚೂರು ಒಂದಾಗ ಬೇಕು ಈಗ 

ದಾರೀಲಿ ಹೂ ಗಿಡವೊಂದು ಕಟ್ಟಿಲ್ಲ ಹೂಮಾಲೆ 

ಕಣ್ಣಲ್ಲಿ ಕಣ್ಣಿಡೂ ನೀನು ಮಾತಿಲ್ಲ ಆಮೇಲೆ 

ಕಾಣಬಲ್ಲೆ ಕನಸಲ್ಲೂ  ನಿನ್ನ ಹೆಜ್ಜೆ ಗುರುತು 

ಕೇಳಬೇಡ ಇನ್ನೇನು ನೀನು ನನ್ನ ಕುರಿತು 

ಎದೆಯಾಳದಿಂದ ಮಧು ಮೌನ ಒಂದು ಕರೆವಾಗ ಜಂಟಿಯಾಗಿ 

ಇಲ್ಲೊಂದು ಜೀವ ಅಲ್ಲೊಂದು ಜೀವ ಇರಬೇಕೆ ಒಂಟಿಯಾಗಿ 

 ನೀರಲ್ಲಿ ಸಣ್ಣ ಅಲೆಯೊಂದು ಮೂಡಿ ಚೂರಾದ ಚಂದ್ರನೀಗ 

ಇಲ್ಲೊಂದು ಚೂರು ಅಲ್ಲೊಂದು ಚೂರು ಒಂದಾಗ ಬೇಕು ಈಗ