ನೀನಿರದೆ ತಂಗಾಳಿಯು ಮುಂಗುರಳ ನೇವರಿಸಿದೆ ಗೂಗ್ಲಿ ಚಿತ್ರದ ಒಂದು ಗೀತೆ

ನೀನಿರದೆ ತಂಗಾಳಿಯು ಮುಂಗುರಳ ನೇವರಿಸಿದೆ
ನೀನಿರದೆ ಸದ್ದಿಲ್ಲದೆ ಹೊಂಗಿರಣವು ಆವರಿಸಿದೆ
ಬದಲಾಯಿತೀಗ ನನ್ನ ಲೋಕ ನಿನ್ನ ಗುಂಗಿಲ್ಲದೆ
ಹಗುರವಾಯಿತೀಗ ಒಂಟಿ ಜೀವ ನಿನ್ನ ಹಂಗಿಲ್ಲದೆ

ಪ್ರಣಯ ಗಿಣಯ ಒಲವು ಗಿಲವು ಎಲ್ಲಾ  ಮರೆತು ಇರಬಲ್ಲೆ ನಾನೊಬ್ಬನೇ
ವಿರಹ ಗಿರಹ  ಸರಸ ಗಿರಸ ಎಲ್ಲಾ ತೊರೆದು ಇರಬಲ್ಲೆ ನಾನೊಬ್ಬನೇ


ಹೇ ನನ್ನ ಏಕಾಂತವೂ ಸಂಪೂರ್ಣ ನನ್ನದಾಯಿತು
ಪ್ರತಿ ನಿತ್ಯವೂ ನನಗೀಗ ಸ್ವತಂತ್ರ ದಿನವಾಯಿತು
ಭಾರಿ ಕಂಗೆಡಿಸುವ ಬಿರುಗಾಳಿ ಮರೆ ಆಯಿತು
ನಡು ನೀರಲ್ಲೇ ನೀ ಬಿಟ್ಟು ನಾ ಈಜು ಕಲಿತಾಯ್ತು
ಪಿಸು ಮಾತನು ಪೋಣಿಸಿ ತರುವ ಬರದಾಟ ಇನ್ನಿಲ್ಲ ಸಾಕು
ಬಳಿ  ವಾಪಸು ಬಂದಿದೆ ಹೃದಯ ಇದಕ್ಕಿಂತ ಇನ್ನೇನು ಬೇಕು
ನೂತನ ಜೀವನ ಇಂದು ನನ್ನದಾಯಿತು

ಪ್ರಣಯ ಗಿಣಯ ಒಲವು ಗಿಲವು ಎಲ್ಲಾ  ಮರೆತು ಇರಬಲ್ಲೆ ನಾನೊಬ್ಬನೇ
ವಿರಹ ಗಿರಹ  ಸರಸ ಗಿರಸ ಎಲ್ಲಾ ತೊರೆದು ಇರಬಲ್ಲೆ ನಾನೊಬ್ಬನೇ

ನೀ ನನ್ನ ಜೊತೆಯಲ್ಲಿ ಜಗಳ ಆ ಡಿದ ಜಾಗ ಎಲ್ಲಾ  ಕಂಡಾಗ ಏನೆಲ್ಲಾ  ಜ್ಞಾಪಕವಾಗಿದೆ
ನೀ ನೆಟ್ಟು  ಹೋದಂಥ ಮುಳ್ಳೊಂದು ಎದೆಯಲ್ಲಿ ಹೂವಾಗಿ  ಅರಳುತ್ತಾ  ಮೋಹಕವಾಗಿದೆ
ತುಸು ದೂರ ಬಂದ ಮೇಲೆ ಹೊಸದಾಗಿ ಹೃದಯ ಬೇರೆ
ಬಡ ಜೀವ ಮತ್ತೆ  ನೀನೆ ಬೇಕೆಂದು ಹಠವ ಹಿಡಿದಿದೆ
ಪ್ರಣಯ ಗಿಣಯ ಒಲವು ಗಿಲವು ಎಲ್ಲಾ  ಮರೆತು ಇರಬಲ್ಲೆ ನಾನೊಬ್ಬನೇ
ವಿರಹ ಗಿರಹ  ಸರಸ ಗಿರಸ ಎಲ್ಲಾ ತೊರೆದು ಇರಬಲ್ಲೆ ನಾನೊಬ್ಬನೇ

ನೀನಿರದೆ ತಂಗಾಳಿಯು ಮುಂಗುರಳ ನೇವರಿಸಿದೆ
ನೀನಿರದೆ ಸದ್ದಿಲ್ಲದೆ ಹೊಂಗಿರಣವು ಆವರಿಸಿದೆ