ಸೋಬಾನೆ ಹಾಡುಗಳು - ಹಸೆಗೆ ಕರೆಯುವ ಸೋಭಾನೆಗಳು

ಹಸೆಗೆ ಕರೆಯುವ ಸೋಭಾನೆಗಳು
ಬಾರೋ ಹಸೆಗೆ ಈಗ ಸುಂದರಾಂಗನೆ ಬೇಗ 
ಬಾರೋ ಹಸೆಗೆ ಈಗ ಬಾರೋ ಬಂಗಾರ 
ಮಂಟಪವಾ ಶೃಂಗಾರ ಮಾಡಿ ಸಂಗೀತವಾ 
ಮಾಡಿ ಶೃಂಗ ನಾಯಕಿಯರು ಬಾರೋ ಹಸೆಗೆ 
ಸುರ ಚರಭರಣಂಗಳೂ ಲಾಲಿಸು ದೇವಾ 
ಸುರಪುರ ಮಂದಿರ ಹಿರಿಯ ಹಸೆಗೆ ಬಾರೋ 
ಈಗ ಮುತ್ತೈದೆಯರು ಸುತ್ತುಮುತ್ತಲು ಕೂಡಿ 

ಮುತ್ತಿನಾರತಿ ಕೈಯಲೆತ್ತಿ ಕಾದಿರುವರು ಬಾರೋ 
ಹಸೆಗೆ ಈಗ ಸುಂದರಾಂಗನೆ

ಬಾರೋ ಹಸೆಗೆ ಜನಕ ಸುತೆಯ ಪ್ರೀತಿ
 ರಾಮನೆ ಬಾ ಹಸೆಗೆ ಜನಕಸುತೆಯ ಪ್ರೀತ 

ಮಂದಗಮನೆಯರು ಚಂದದಿ ಕರೆದರು

 ಇಂದಿರೇಶನ ನೀನು ಇಂದು ನೀ ಬಾ 

ವಾರಿಜವದನೆಯರು ಲೀಲೆಯಿದಂ ಕರೆವರು

ಸಾರಿ ಶೃಂಗಾರ ತೀರ್ಪ ಸಾರಸಾಕ್ಷನೆ ಬಾ ಬಾ 

ಕೆತ್ತಿದ ಪದಕವು ಚಿತ್ತದ ರಂಗಕಳೆಲ್ಲ ಧರಿಸಿ ಮೆರೆವ 
ನಮ್ಮ ವಿಠಲ ಬಾ ಬಾ ಹಸೆಗೆ ಜನಕ ಸುತೆ ಪ್ರೀತ 
ಸುಂದರಾಂಗ ಬಾರೋ ಹಸೆಗೆ ಇಂದಿರೇಶ ಬಾ