ಗಂಗೆ ಪೂಜೆ ಶೋಭಾನೆಗಳು

 ಒಂದಲೆ ಒಂದಡಿಕೆ ಒಂದೊಂದು ಗಂಧದ ಬೊಟ್ಟು, 
ಗಂಗೆ ಗೌರಮ್ಮನ ಗುಂಭಕ್ಕೆ ಶಿವಪೂಜೆ ಶಿವಪೂಜೆ ಶಿವಗಿರಲಿ 
ಜೀವ ಪೂಜೆ ದೇವಗಿರಲಿ ಗಂಗಮ್ಮನ ಗುಂಭಕೇ-ದೇವ-ಪೂಜೆ। 

ಕಾಗೆ ಮುಟ್ಟದ ನೀರು! ಜೋಗಿ...ಸುಳಿಯದ ನೀರು! 

ಪಕ್ಷ ಪಾತಾಳದ ಪನ್ನೀರು (ಎರಡಲೆ, ಮೂರೆಲೆ, ನಾಲ್ಕೆಲೆ, ಐದೆಲೆ ಇಷ್ಟರ ತನಕ ಹೇಳುತ್ತಾ, ಗುಂಬಕ್ಕೆ ಸುತ್ತು ಬರುವುದು)

ಅಜ್ಜಯ್ಯ ಕಟ್ಟಿಸಿದ ಅಶ್ವಥದ ಕಟ್ಟೆಯುಂಟೆ ಅದಕೊಂದು ಸುತ್ತು ಬಾರೆ

 ಗಿರಿದೂರ ಮಠದೂರ ದೂರದಿಂದಲೆ ಸ್ವಾಮಿಯವರ 

ಪಾದಕೆ ಶರಣೆಂದೆನು|| ಸ್ವಾಮಿಯವರ ಪಾದಕೆ ಶರಣೆಂದೆನು 

ಅಪ್ಪಯ್ಯ ಕಟ್ಟಿಸಿ ಹಲಸಿನ ಕಟ್ಟೆಯುಂಟೆ ಅದಕೊದು ಸುತ್ತು ಬಾರೆ

 ಗಿರಿದೂರ ಮಠದೂರ ದೂರದಿಂದಲೆ ಸ್ವಾಮಿಯವರ

 ಪಾದಕೆ ಶರಣೆಂದೆನು ಸ್ವಾಮಿಯವರ ಪಾದಕೆ ಶರಣೆಂದೆನು!

 ಅಣ್ಣಯ್ಯ ಕಟ್ಟಿಸಿದ ತೆಂಗಿನ ಕಟ್ಟೆಯುಂಟೆ! ಅದಕೊಂದು ಸುತ್ತು ಬಾರೆ! 

ಬಾವಯ್ಯ ಕಟ್ಟಿಸಿದ ಬಾವಿಯ ಕಟ್ಟೆಯುಂಟೆ! ಅದಕೊಂದು ಸುತ್ತು ಬಾರೆ! 

ಗಿರಿದೂರ ಮಠದೂರ ದೂರದಿಂದಲೆ ಸ್ವಾಮಿಯವರ 

ಪಾದಕೆ ಶರಣೆಂದೆನು! ಸ್ವಾಮಿಯವರ ಪಾದಕೆ ಶರಣೆಂದೆನು|