ಸೋಬಾನೆ ಹಾಡುಗಳು - ಅರಸಿನೆಣ್ಣೆ ಶೋಭಾನೆ

 ಜಯ ಜಯ ಲಕ್ಷ್ಮಿ ಪ್ರಿಯ 
ಎನ್ನರಸ ಘನ್ನರಸ ಎನ್ನ ಪ್ರಾಣದ ಅರಸಾ
ನಿಮ್ಮ ಮುಖವ ತನ್ನೀ ಅರಸಿನ ಹಚ್ಚುವೆನು 
ಉಣ್ಣದೆ ಮೆಲ್ಲನೆ ಪೋಗಿ ಕಣ್ಣಿಗೆ ಬೀಳದೆ ಕದ್ದು 
ಬೆಣ್ಣೆ ತಿನ್ನುವ ಮುಖಕ್ಕೆ ಅರಸಿನ ಹಚ್ಚುವೆನು 
ಅಂಜದೆ ಹೇಸಿಗೆಯಾದ ಕಂಜನಾಭನ ಶಬರೀ ಎಂಜಲ ಕೊಳ್ಳುವ ಕೈಗೆ
ಅರಸಿನ ಹಚ್ಚುವೆನು  ವಲ್ಲಭ ನೀನವನ ಕೈಲಿ ಕಲ್ಲಲಿ ತಾಡಿತವಾದ 
ಬಲ್ಲಿದ ನಿಮ್ಮಯ ಹಣೆಗೆ ಕುಂಕುಮ ಹಚ್ಚುವೆನು 

ಎದೆ ಮೇಲೊಬ್ಬಳು ಇರಲು ಹದಿನಾರು ಸಾವಿರದ ಸುದತಿಯರಪ್ಪಿದ
ಎದೆಗೆ ಪರಿಮಳ ಹಚ್ಚುವೆನು ಹಗಲೆಲ್ಲಾ ಗೋಪಿಯರ
ಹೆಗಲ ಮೇಲಿಟ್ಟಿರುವ ಸುಗುಣ ನಿಮ್ಮಯ ಕೈಗೆ ಗಂಧವ 
ಹಚ್ಚುವೆನು ಗಂಧ ಪರಿಮಳ ಮಾಲೆಯಿಂದಲಂಕರಿಸುತಲಿ ವಂದನೆಯ
ಮಾಡಿದಳು ಒಂದೇ ಮನಸಿನಲಿ ಇಂಥ ಮಾತುಗಳೆಲ್ಲಾ ಅಂತಕರಣದಿಂದ
ನುಡಿದೆ ಸ್ವಾಂತಕ್ಕೆ ತರಬೇಡ ನಂತಾಗಾಧಿಶನೇ ಅರಸಿನ ಹಚ್ಚುವೆನು.