ಧಾರೆ ಎರೆವಾಗ ಹೇಳುವ ಸೋಬಾನೆ

ಜನಕರಾಯನ ಮಗಳು ಜಾನಕಿಯ ಮದುವೆಯೆಂದು! 

ದಶರಥನಲ್ಲಿಗೆ ತೆರಳಿ-ಬರಾ-ಹೇಳಿ||
ಮದುವೆಯ ಸುದ್ದಿಯ ಲಿಖಿಯವನೆ ಬರೆದು-ಕಳುಹಿದ

ಪಟ್ಟಣದ ಪುರಜನರು ವಿಸ್ತಾರದ ಬಂಧುಗಳು ರಾಯವಣ್ಣಯ್ಯನಾ

ಮದು-ವೇಗೆ-
ಆರು ಜೋಡಿನ ಕೊಳಲು ಮೂರು ಜೋಡಿನ ವಾದ್ಯಗಳು 

ರಾಯವಣ್ಣಯ್ಯನಾ ಮದು-ವೇಗೆ-||

ಸೂರ್ಯ ಮಂಡಲದ ಕೊಡೆಯು ಹೊಳೆಯುವಂತೆಯುಳ್ಳ-ಬಂಡಿಯ 

ಮೇಲೇರಿ| ಹೆಬ್ಬಾಗಿಲ ಮುಂದೆ ಗುಬ್ಬಿ ಓಲೆಯಾ-ಬರೆದು 

ಜೋಜೋಂತ ಹಾರಾಡುತ ಬರುತದೆ ನಮ ದಿಬ್ಬಣ ಚಂದದಲಿ

ನೀನು ಇರು ಗೊಂಬೆ

ಚಪ್ಪರದ ಮುಂದುಗಡೆ ಗುಬ್ಬಿ ಓಲೆಯಾ-ಬರೆದಿರುಸಿ

ಜೋಜೋಂತಾ ಹಾರಾಡುತ ಬರುತದೆ ನಮ್ಮ ದಿಬ್ಬಣ-ಚಂದದಲಿ 

ನೀನು ಇರುಗೊಂಬೆ|

ಚಿಕ್ಕ-ಚಿಕ್ಕ-ಕೈಯಲ್ಲಿ-ಚಿಕ್ಕ ವರಹವನಿರಿಸಿ ಚಿಕ್ಕ ಶ್ರೀ ತುಳಸೀ 

ಬಳಲೂಡಿ-ಮಾವಯ್ಯಾ ಸೊಸೆ ಮುದ್ದಿಗೆ ಧಾರೆ ಎರೆಯಾ ಬನ್ನಿ!

ಸಣ್ಣಾ ಸಣ್ಣಾ ಕೈಯಲ್ಲಿ-ಸಣ್ಣ ವರಹವನಿರಿಸಿ ಸಣ್ಣ ಶ್ರೀ ತುಳಸಿ 

ದಳಲೂಡಿ ಅಪ್ಪಯ್ಯ ಮಗಳಿಗೆ-ಧಾರೆ ಎರೆಯಾ-ಬನ್ನಿ||

ಸಣ್ಣಾ ಸಣ್ಣಾ ಕೈಯಲ್ಲಿ-ಸಣ್ಣ ವರಹವನಿರಿಸಿ ಸಣ್ಣ ಶ್ರೀ ತುಳಸಿ 

ದಳಲೂಡಿ ಅಣ್ಣಯ್ಯ-ಧಾರೆ ಎರೆಯುವಾಗ-ಅಣ್ಣಯ್ಯನ 

ಅತ್ರಾವು ನಡುಗಿದೋ-ತಂಗ್ಯಮ್ಮನ-ಕಣ್ಣಾ ಜಲಕಂಡು|| 

ಮೂಗುತಿ ಇಟ್ಟೋನು ಬಿಡೋನಲ್ಲಾ-ಇನ್ನೇನು ತಂಗ್ಯಮ್ಮ

ನಿಮ್ಮೂರಿಗೋಗನಾ||

ತಾಳಿ ಕಟ್ಟಿದವನು ಬಿಡೋನಲ್ಲಾ-ಇನ್ನೇನು ಏಳೀ-ಪರದೇಶಕ್ಕೆ-1

 ಆರು ಜೋಡಿನ ಕೊಳಲು-ಮೂರು ಜೋಡಿನ

 ವಾದ್ಯಗಳೊಂದಿಗೆ-ಏಳೀ-ಪರದೇಶ-ಕೆ||